Aksidenti, katër persona të plagosur tek Kthesa e Patosit

Katër persona kanë mbetur të plagosur në një aksident që ka ndodhur paraditen e sotme në kthesën e Patosit. Policia tha se dy automjete janë përplasur me njëra-tjetërn dhe për pasojë janë plagosur 4 persona të të njëjtës familjeje ku dy prej të cilëve janë në gjendje të rëndë.
Të plagosurit janë dërguar në spitalin e Fierit dhe sipas mjekëve më e rëndë paraqitet gjendja shëndetësore e dy pjesëtarëve të familjes dhe konkretisht e Silvana Bashës 22 vjeç dhe Tea Bashës 16 vjeç ndërsa dy të tjerët kanë plagë të lehta.
Mësohet se dy personat të cilët ishin duke udhëtuar me automjetin tjetër nuk janë plagosur ndërsa policia ka nisur hetimet për zbardhjen e plotë e shkaqeve të aksidentit.