Sekuestrohen 74 kilogram drogë në Sarandë

Një sasi prej 74 kilogram lëndë narkotike e dyshuar lloj kanabis sativa ka përfunduar nën sekuestron e policisë së Korfuzit. Bëhet e ditur se aksioni ka ndodhur mbrëmë në zonën e quajtur Aliko ku fillimisht u gjet një sasi prej 57 kilogram drogë. Në orët e paradites së të dielës u mundësua të gjendej edhe sasia prej 17 kilogram shtesë e së parës. Policia greke dhe ajo shqiptare po punojnë për të zbardhur poseduesit e kësaj lënde narkotike dhe për të zbuluar burimin e destinacionin final. Një fakt me të cilin po merret policia është se pse droga gjendej në atë kohë në det dhe kush e kishte lëshuar aty.