Idrizi në Vlorë: Mos mashtroni me kombësinë! Do verifikohet gjithçka

“Çdo njeri që në regjistrin e gjendjes civile është shqiptar dhe i ndikuar nga jashtë do të deklarohet se i përket një kombësie tjetër në rastin specifik, deklarohet grek. E ka të kotë sepse deklarimi i tij duke u ballafaquar me regjistrin kombëtar të gjendjes civile nuk do të merret parasysh dhe do të gjobitet për deklarim të rremë”. Ky ishte apeli i bërë sot nga kryetari i Partisë për Drejtësi Integrim dhe Unitet Shpëtim Idrizi gjatë një takimi me simpatizantë në qytetin e Vlorës. Idrizi u bëri thirrje shqiptarëve që të deklarohen si shqiptarë pasi kushdo që abuzon nuk e ka mundësinë ligjore të kalojë pa u vënë re.