Makina përplas për vdekje 56-vjeçarin, pranga shoferit

Një 56-vjeçar u aksidentua për vdekje mbrëmjen e kaluar në aksin Gjirokastër-Tepelenë. Sipas policisë, Flamur Hajdini, 56 vjeç, ka qenë duke kaluar nga njër krah i rrugës në tjetrin, kur është përplasur nga automjeti që drejtohej nga Eneid Hoxha.

Si pasojë e përplasjes, Hajdini ka gjetur vdekjen e menjëhershme, ndërsa drejtuesi i mjetit është larguar nga vend ii ngjarjes, për t’u vetëdorëzuar në polici disa orë më pas.

Pas hetimeve, policia konstatoi se aksidenti ka ardhur si pasojë e shkeljes së rregullave të qarkullimit rrugor nga drejtuesi i mjetit, i cili është vënë në pranga për veprën penale të “Shkeljes së rregullave të qarkullimit rrugor”.

Materialet në ngarkim të tij i kaluan Prokurorisë së Rrethit Gjyqësor Gjirokastër për veprime të mëtejshme.