Aurela nga ora në orë pret të bëhet nënë

Aurela Gaçe do të bëhet nënë shumë shpejt, ndoshta sot ose nesër, ndërsa aktualisht gjendet në një prej spitaleve privatë që operojnë në kryeqytetin shqiptar.
Këngëtarja, e cila ka kënduar ‘live’ vetëm pak ditë më parë në dy prej spektakleve të ekraneve më të ndjekur shqiptarë, pati dje komplikime të lindjes, ndaj mjekët e këshilluan që të shtrohet në mënyrë urgjente, transmeton gazeta Standard.
Së bashku me partnerin e saj, Skerdin, për të cilin Aurela nuk ka folur shumë në publik, këngëtarja do të mirëpresë në jetë foshnjën e saj të parë, që do të jetë vajzë.
Pak ditë më parë, në intervistën e fundit që ka dhënë para se të bëhet nënë, Aurela ka pohuar se ka marrë shumë kilogramë gjatë shtatzënisë (rreth 23 kg), sepse ka pasur shumë oreks gjatë këtyre muajve, por menjëherë pas lindjes do të nisë regjimin fizik për të ri-ardhur në formë. Shumë urime mamit trendi!
Kujtojmë që pak ditë më parë solli në jetë foshnjën e saj të parë edhe moderatorja e njohur Sonila Meço, një vogëlushe të bukur që e pagëzuan me emrin Amaris. Një tjetër personazh VIP që pret të bëhet nënë së shpejti është edhe këngëtarja Jonida Maliqi.