Leo Messi nxjerr në treg Video-Game-in e tij

Lionel Messi ka lançuar një video-lojë për telefonat Smart. Paratë që do të mblidhen nga ky "biznes" do të shkojnë për fondacionin që mban emrin e yllit argjentinas të Barcelonës.

Aplikacioni " Training with Messi" (Stërvitu me Messin), do të jetë në dy gjuhë: anglisht dhe spanjisht. Gjithashtu, përdoruesit e Play-Game mund të shohin video të ekipit të Barcelonës dhe mbrëmjet gala që organizon fondacioni "Lionel Messi".

"Aplikacioni u krijua nga fondacioni me qëllim që tu vijë në ndihmë fëmijëve dhe adoleshentëve me probleme sociale", u shpreh një prej anëtarëve të bordit të Fondacionit "Lionel Messi". /albeu.com/