Babai i Pique-Shakirës: Të duam po aq sa edhe Gerardin

Shkrimtari dhe biznesmeni Joan Pique, babai i lojtarit të Barcelonës, Gerard Pique, prezantoi romanin e tij të parë, të titulluar “Dues Vides”, në mesin e një pranie të madhe njerëzish e të ftuarish, mes të cilëve nuk munguan as lojtarë të ndryshëm të Barcelonës, ashtu sikurse qe e pranishme edhe partnerja aktuale e mbrojtësit katalanas, këngëtarja kolumbiane Shakira.

Prezantimi i librit i ka tejkaluar të gjitha pritshmëritë, duke e mbushur plot e përplot me njerëz sallën e Shtëpisë së Librit, në zemër të Barcelonës. Sidomos ra në sy prania e dy bashkëlojtarëve të Gerard Pique, të birit të autorit të këtiij romani, Cesc Fabregas dhe kapiteni i Barcës, Carles Puyol.

Në fjalën e tij, Joan Pique ia dedikoi librin edhe të birit, por edhe Shakirës, duke iu drejtuar asaj fjalë për fjalë: “Ne të duam po aq sa edhe Gerardin. /albeu.com/