Tiranë-Selanik, linjë direkte fluturimi 2 herë në javë Lexoni me shume per temën: Tiranë-Selanik, l

Nga data 2 Dhjetor 2011, rihapet një tjetër rrugë që lidh Greqinë me Shqipërinë.

Një linjë fluturimi direkte Tiranë-Selanik, do shkurtojë edhe më shumë distancën mes kryeqytetit shqiptar dhe këtij qyteti në Greqi, ku jetojnë dhe punojnë mijëra shqiptarë, duke iu shtuar linjës Tiranë-Athinë.

Dy qytetet do të lidhen me fluturime dy herë në javë (të hënën dhe të premten) nëpërmjet aeroportit “Nënë Tereza” të Rinasit në Tiranë, dhe aeroportit “Makedonia” të Selanikut.

Fluturimet do të fillojnë më 2 dhjetor, do të bëhen me avion Bombardier prej 78 vendesh të shoqërisë "Olympic air" dhe një fluturim vajtje-ardhje do të kushtojë 160 Euro.

Sipas disa të dhënave, cdo ditë lëvizin në këtë drejtim në rrugë tokësore, 1000-1500 persona, dhe me shtimin e kësaj rruge ajrore, mendohet të shpejtohet dhe të lehtësohet lëvizja e tyre.

Lexoni me shume per temën: Tiranë-Selanik, linjë direkte fluturimi 2 herë në javë tek www.albanians.gr