Plagoset “Shtatzëna” Çiljeta Xhilaga

Këngëtarja nga Shqipëria, Çiljeta Xhilaga, është plagosur gjatë kohës sa është shtatzënë.
Por kjo jo në jetën reale, por në një skenë të filmit të saj më të ri në të cilin ajo është e angazhuar. Fotografia më lart tregon një skenë të filmit të ardhshëm ku Çiljeta duket me duar të gjakosura dhe shtatzënë.
Këngëtarja është një prej aktoreve të filmit që po realizohet në Itali, në kastin e të cilit është edhe Bjord Mezini, i dashuri i Adelajdës nga shou i famshëm “Big Brother”.
Çiljeta, e cila ka provuar aktrimin edhe përmes një roli të vogël në filmin “Ishte kohë për dashuri”, në këtë produksion ka rolin e një baristeje.