Algat dhe peshqit mëngjes i së ardhmes

Një sondazh i kryer së fundmi tregon se njerëzit po i thonë lamtumirë mëngjesit anglez; jo më vezë e proshutë direkt pas zgjimit. Sipas sondazhit të kryer nga Kellog-s, mëngjesi klasik britanik me bazë veze, fasule, proshutë do të zëvendësohet nga ushqim me baze peshku. Evoluimi i shijeve vjen edhe si pasojë e rritjes së lëvizjeve të njerëzve të vende të ndryshme dhe provimit të ushqimeve të lehta dhe të shijshme. Duke udhëtuar shumë, njerëzit kanë arritur të zbulojnë shije të reja që i kanë pëlqyer. Ndaj edhe në shtëpi ata do të eksperimentojnë ushqimet e shijuara kryesisht në vende bregdetare apo vende të Lindjes së Largët. Kështu do të përdoren me shumë algat, peshqit etj. Sondazhi thotë se mëngjesi i të ardhmes do të shtojë ushqimet e ngrohta, pikante dhe të kripura, ashtu siç janë në Kinë. Ushqimi më i preferuar duket se do të jetë: qulli me gaforre. Mëngjesi i të ardhmes do të jetë ndryshe edhe për shkak të ruajtjes së shëndetit të gjithësecilit. Ekspertët këshillojnë reduktimin e produkteve me shumë proteina dhe përdorimin e ushqimeve të lehta, pjesë e të cilave duhet të jenë algat./tch/ Burimi i lajmit: /rtvfan.net/