Meshkujt më tepër pëlqejnë femrat brune

SHBA- Meshkujt preferojnë femrat brune, pasi i konsiderojnë më tërheqëse, ndërkohë që në klub i afrohen biondeve. Një studim i i botuar në ‘Scandinavian Journal of Psychology’ ka treguar se meshkujt i vlerësojnë femrat brune si më tërheqëse dhe më kompetente sesa biondet.

Në studimin e bërë nga shkencëtarët amerikanë, një femër ishte dërguar të vizitonte tri klube të ndryshme nate për tri netë rresht. Femra te të trija netët ishte paraqitur me ngjyrë të ndryshme të flokëve, njëherë brune, njëherë bionde dhe në fund me flokë të kuqe.

Studiuesit kishin vënë re se meshkujt ishin afruar vajzës dhe kishin nisur bisedën me të, kur ajo ishte me flokë bionde, gjithsej 60 meshkuj. Kur vajza ishte shfaqur në stilin brune, asaj i kishin ofruar miqësi rreth 42 meshkuj, ndërkohë që më pak sukses kishte korrur kur vajza kishte qenë me flokë të kuqe, pasi i ishin afruar vetëm 18 meshkuj.

Sipas këtyre rezultateve, mund të themi se meshkujt preferojnë biondet. Por, lajmi më i mirë për brunet vjen tani. Studiuesit kishin bërë tri fotografi nga e njëjta femër, në secilën me ngjyrë të ndryshme të flokut, dhe janë rikthyer në klubet e natës për t’i pyetur meshkujt se cila pamje u pëlqen më tepër. Meshkujt kishin vlerësuar femrën si më tërheqëse kur ajo ishte me ngjyrë floku më të errët. Sipas autorit të hulumtimit, rezultatet e tilla tregojnë se shijet e meshkujve ndryshojnë.

“Në vitet e 60-ta, kur Xheki Kenedi ishte ideali, brunet u bënë ideal për femrat në përgjithësi. Pastaj, në vitet 70-të dhe 80-të, biondet u bënë ideal” – theksoi ai dhe shtoi se studimi i fundit përsëri tregon ndryshim në preferencat e meshkujve.
(el.me/BalkanWeb)

une per vete e kam kthyer po me pelqen nje bjonde shume madje

Edhe une per vete preferoj me shume biondet(natyrale) per mua jane me sensuale.