Indi, çdo orë vritet një nuse se nuk paguan dot pajën

Të mos paguash pajën në Indi mund të të kushtojë jetën. Pothuasje në çdo orë një nuse indiane vritet nga familja e burrit sepse nuk paguan pajën sipas marrëveshjes së kombinuar nga prindërit.

Lajmi i publikuar në “Times of India” vjen pas një hetimi për dukurinë që është përkufizuar “e turpshme”. Në Indi paja e grave është një traditë e rrënjosur jo thjesht në fshatra por edhe në metropolin indian.

E cilësuar si ilegjitime, kjo është një traditë që nuk po fshihet dot me kalimin e kohës. Për ato gra fatlume që i shpëtojnë ekzekutimit, ky fenomen kthehet në një motiv dhune nga ana e bashkëshortit “me kontratë”.