Tre Vajza, Sherr Për Të Dashurin Në Facebook, Prindërit Rrihen Në Qendër Të Qytetit

Debatet mes tre adoleshenteve për të dashurin në Facebook janë kthyer në një sherr masiv në qendër të qytetit. Adoleshentet nga Roma kishin debatuar gjatë se cila prej tyre duhet të lidhej me një djalosh simpatik. Pas zënkave dhe ofendimeve në rrjetin social, siç bëjnë zakonisht djemtë kanë vendosur që t’i “lajnë hesapet” duke u takuar ballë për ballë.



Të tria vajzat kanë shkuar në pikën e takimit, diku në qendër të qytetit dhe nuk kanë harruar që dy prej tyre të marrin dhe prindërit me vete. Përfundimi i “sqarimit” ka qenë një sherr masiv. Vajza janë kapur për flokësh gjatë debatit se kush do të rrinte me djalin. Ndërsa në sherr kanë ndërhyrë dhe prindërit që janë gjuajtur me grushte.

Më pas ka ndërhyrë policia për të vënë rregull dhe ka shoqëruar në komisariat dy prindërit. Po ashtu dhe adoleshentet kanë dhënë sqarime për sherrin.