France, femijet detyrohen te therrasin ‘Rrofte Sarkozi’

Një debat i madh është hapur këto ditë në Francë lidhur me përdorimin e fëmijëve për fushatë politike.Presidenti francez ka shkaktuar zemërim pasi fëmijët e një shkolle u detyruan të thërrasin ‘Rroftë Sarkozi’ kur ai vizitoi shkollën e tyre.

Prindërit u ankuan se fëmijët e tyre po përdoren si mjet për të bërë propagandë. “Fëmijëve tanë iu dhanë flamuj të vegjël të Francës dhe iu kërkua të bërtasin ‘Rroftë Sarkozi’,” tha Cyrile Atlan, djali i së cilës mori pjesë në takimin e Sarkozi.

Prindërit u ankuan se fëmijët jo vetëm ishin përdorur pa asnjë autorizim, por iu ishte dhënë rekomandim specifik se si duhej të qëndronin dhe si duhet të thërrisnin. Prindërit madje u ankuan se Sarkozi i puthi disa prej fëmijëve.

Po në Shqipëri? Në fakt këtu tek ne ka dy probleme pasi në radhë të parë janë prindërit ata të cilët “imponojnë” një pjesëmarrje në mitingje, pasi i marrin fëmijë të vegjël në krah. Ndërsa abuzimi nga ana e liderëve, është i tejskajshëm. Burimi: albeu.com