Prokurori: Hodhi të dashurën nga ballkoni, frikë se e kapte mami

TIRANE-Gjykata e Tiranës ka shpallur të pafajshëm pak ditë më parë Fatmir Friskun, i cili akuzohej nga Prokuroria së kishte hedhur nga ballkoni të dashurën e tij, pasi kishin kryer marrëdhënie seksuale bashkë. Por nga ana e saj, gjykata e ka dënuar me 7 muaj burg Friskun për veprën penalë të “Veprime që pengojnë zbulimin e së vërtetës”, pasi menjëherë pas ngjarjes ai ka zhdukur rrobat dhe çantën e viktimës, shkruan sot Gazeta Shqiptare.

Në vendimin e argumentuar Gjykata e Tiranës shprehet se sipas organit të akuzës, i pandehuri Fatmir Frisku u ndodh në një situatë të papranueshme për të, pasi po t’i vinte mamaja dhe ta gjente së bashku me viktimën Fraleta Tartari në shtëpi nuk dihej se çfarë mund të kishte ndodhur dhe për të shpëtuar nga kjo situatë, i pandehuri ka hedhur nga ballkoni viktimën Fraleta Tartari. Gjykata e gjen të pabazuar dhe të paargumentuar këtë pretendim të prokurorit që për të pandehurin ishte zgjidhja e vetme hedhja nga ballkoni e viktimës vetëm e vetëm që të mos e gjente mamaja në shtëpi me të.

Më pas trupi gjykues rendit dhe të gjitha ekspertizat mjeko-ligjore dhe dëshmitë e personave që kanë pasur dijeni për ngjarjes, sipas së cilëve nuk provohet akuza e “Vrasjes me dashje”.
E perditshmja Gazeta Shqiptare sjell sot detaje rreth ketij procesi gjyqesor dhe nga ngjarja.

(d.b/GazetaShqiptare/BalkanWeb)

hajde alibi hajde e papare dhe e pa degjuar ndonjehere qekur jane krijuar pallatet dhe ballkonet

sa kam qesh .....pash zotin kush i ban kto marrina