Modelja më e pasur

Mon 27 Feb 2012 - 15:55

Edhe pse Kate Moss dhe Gisele Bundchen konsiderohen si modelet më të paguara për momentin kjo ish-modele e “Sports Illustrated” është më e pasura. Emri i saj është Kathy Ireland, ndërsa vlera e pasurisë së saj është rreth 359 milionë dollarë.

Kjo nënë e tre fëmijëve pozimin e saj të parë për ballinën e revistës së lartpërmendur e realizoi në vitin 1989. Deri më sot nuk u ndalë së punuari në botën e modelimit.

Produktet e ndryshme me emrin e saj shënojnë shitje të madhe, qofshin mobile, dritare të dizajnuara, qirinj apo thika të kuzhinës. Kathy posedon edhe disa prona, të cilat dukshëm e rrisin pasurinë e saj të përgjithshme.

Kathy Ireland posedon shtëpinë e televizive të produksionit, ishte partnere e të ndjerës Elizabeth Taylor në linjën e përbashkët të stolive, por paraqitet edhe në emisione të ndryshme amerikane.

Është e pabesueshme që emri i saj gjendet në 15 mijë produkte të ndryshme. Interesant është fakti që asnjëri nga këto produkte nuk ka të bëjë me kostume të larjes, parfume apo produkte për grim./knninfo/