Organizmi, strehë bakteresh!

Si një koloni e madhe bakteresh që ecën pa u ndalur (!) u shfaq organizmi i njeriut pas një hulumtmi të realizuar nga shkencëtarët Britanikë dhe Kinezë. Studimi zbulon se në organizmin tonë jetojnë rreth 3000 lloje bakteresh të ndryshme, 3.3 milionë gjene më shumë se në gjenomin njerëzor. Gjithashtu, hulumtuesit zbuluan se bakteret “miqësore” që ndodhen në zorrën e gjithëkujt janë më shumë nga ç’kishin përllogaritur specialistet, fakt që tregon se mund të lidhen me shfaqjen e sëmundjeve të shumëllojshme. Gjatë hulumtimit, i cili u bazua në projektin Europian të regjistrimit të gjenomit të mikro-organizmave të zorrëve MetaHIT, u analizua ADN-ja e 124 europianëve. Megjithatë, është e rëndësishme të themi se mbi 25% e gjeneve të mikrobeve u identifikuan për herë të parë nga shkencëtarët, fakt që ndoshta tregon se në zorrët tona jetojnë shumë baktere, të cilat nuk janë hetuar plotesisht.