Pasaportat e vjetra, radhë në selitë diplomatike shqiptare në Greqi

TIRANË- Përfundimi i afatit të përdorimit të pasaportave të vjetra ka krijuar rradhë të gjata dhe konfuzion në dyert e selive tona diplomatike në Greqi. Në një reagim për mediat greke ambasadori ynë në Greqi Dashnor Dervishi shprehet se kjo ka ndodhur pasi shumica e emigrantëve e kanë lënë për ditët e fundit pajisjen me pasaporta të reja biomterike edhe pse janë njoftuar dy vjet rradhazi.

Ambasadori shqiptar në Greqi hedh poshtë si të pavërteta dhe zërat se 1 marsi është edhe afati i fundit për pajisje me pasaporta biometrike, duke garantuar se pajisja me karta identiteti dhe pasaporta të tilla do vijojë gjithë kohën si një shërbim normal pranë përfaqësive tona diplomatike në Athinë dhe Selanik.

Në këto intervista ambasadori sqaron gjithashtu se emigrantët shqiptarë që nuk kanë marrë ende pasaporta biometrike mund të lëvizin drejt Shqipërisë edhe me leje kalimi. Ai gjen rastin tu bëjë thirrje emigrantëve mos bien pre e sekserëve dhe mashtruesve, por për cdo shërbim ti drejtohen zyrave të ambasadës, ku sipas tij aty do gjejnë një shërbim perfekt dhe brenda një kohe të shkurtër.
(el.me/news24/BalkanWeb)

si gjithmone shqipetaret i lene punet per ne fund