Të rinjtë që kërkojnë punë ndërrojnë emrat në facebook

Një studim i realizuar kohët e fundit nga Microsoft tregoi se 70% e punëdhënsve ka refuzuar shumë aplikantë për punësim për shkak të ndonjë informacioni të gjetur në Internet dhe kryesisht në facebook. Në facebook secili publikon të dhëna dhe foto personale nga jeta e përditshme, edhe pse në shumicën e rasteve përmbajtja e tyre nuk është “e papërshtatshme”, shpesh herë mund të luajnë rol negativ në qoftë se i shikon kandidati - punëdhënës. Prandaj dhe nuk janë të paktë ata që para se të fillojnë të dërgojnë biografitë e tyre dhe të japin intervistë, ndërrojnë emrat në facebook me qëllim shmangien e pasojave të mundshme.

Personalisht, edhe pse nuk kam krijuar profil në facebook më duket shkak qesharak që dikush të humbasë një vend të mundshëm pune vetëm dhe vetëm për këtë. Në qoftë se je i/e aftë dhe ke investuar në studime askush dhe asgjë nuk mund të të pengojë nga synimi yt. NË FUND TË FUNDIT ËSHTË E DREJTA E GJITHËKUJT TË JETOJË DHE TË VEPROJË ASHTU SIÇ DËSHIRON PA MARRË LEJEN E ASKUJT!