- LegjendaAnetar i perjashtuar
- Gjinia :
Shteti :
Mosha : 40
Postime : 5560
Hobi : FUTBOLL
Vendndodhja : ne vendi e dashur quhet tetova
Anetaresuar : 19/02/2012
Serbia t’i hapë arkivat e krimit
Fri 9 Mar 2012 - 12:14
Tribuna “Heshtja e krimeve të Serbisë gjatë luftës së fundit në Kosovë”, organizuar nga Lëvizja Vetëvendosje
Bashkësia ndërkombëtare duhet t’i bëjë presion Beogradit zyrtar, që ky t’i hapë arkivat e shtetit dhe t’i identifikojë të gjithë ata serbë që dhunuan e vranë gra e vajza shqiptare. Kështu ka thënë Sevdije Ahmeti, drejtuese e Qendrës për Mbrojtjen e Fëmijëve dhe të Grave, në tribunën “Heshtja e krimeve të Serbisë gjatë luftës së fundit në Kosovë”, organizuar nga Lëvizja Vetëvendosje.
Përfaqësuesit e kësaj tribune kërkuan nga Qeveria e Kosovës që të mendojë për zbulimin dhe rehabilitimin e këtyre viktimave e jo duke i dënuar sërish ato duke kërkuar pajtimin pa e dënuar fajtorin.
Afrim Kasolli nga Lëvizja Vetëvendosje ka thënë se rëndimin e kësaj gjendjeje të pashpresë, ku janë katandisur këto qenie të kapitura, të fyera dhe të lënduara, vazhdon ta prodhojë edhe politika zyrtare e Kosovës.
“Kjo qeveri me zhvillimin e negociatave të pakusht me Serbinë, ka kohë që është duke promovuar lloj-lloj idesh bizare dhe absurde si ato që kërkojnë pajtimin historik shqiptaro-serb me arsyetimin naiv, gjoja për përmbylljen e konfliktit ndërmjet këtyre dy vendeve”, ka thënë Kasolli.
Ndërkaq, Sevdije Ahmeti, ka thënë se ata që e bënë krimin ishin aktorë të mbrojtur nga institucionet e ishJugosllavisë, në këtë rast Serbisë. Sipas saj, mundësia e marrjes së informatave se kush i kishte kryer këto vepra ka qenë shumë e vështirë, sepse shteti i mbronte ato informata dhe vazhdon t’i mbrojë edhe më tutje.
Ajo tha se është koha që Serbia t’i hapë arkivat e saj me presionin e bashkësisë ndërkombëtare dhe të dënohen ata që dhunuan e vranë gra e vajza shqiptare. /Zëri
Drejtat e ktij Forumit:
Ju nuk mund ti përgjigjeni temave të këtij forumi
|
|