Trevjeçarja gëlltit 37 magnete

Vajza trevjeçare, Payton Bushnell, nga shteti amerikan Oregon ka gëlltitur 37 magnete me madhësi të vogël, të cilat ia ganë bllokuar zorrët dhe ia kanë rrezikuar jetën.
Prindërit e saj kishin menduar se nuk është ndonjë çështje serioze kur vajza ishte ankuar për dhimbje në bark.

Mirëpo, magnetet përmes traktit digjestiv kanë arritur në zorrë dhe janë bashkuar, dhe jo vetëm që ia kanë bllokuar zorrët por kishin shkaktuar katër vrima.

“Kirurgu doli nga ordinanca dhe tha se duhet ta hapë urgjentisht vajzën tonë”, ka treguar babai i vajzës duke shtuar se ajo nuk do të shpëtonte po të mos e kishin fotografuar me rëntgen.

Payton tash ndjehet mirë dhe po riaftësohet gradualisht. /Telegrafi/