Nuk ekziston – mirëpo është jashtëzakonisht e famshme (Video)

Pop-sensacioni i krijuar me kompjuter, Hachune Miku, përkundër faktit se nuk ekziston ka shitur 10.000 bileta për koncertet e saja në Tokio.
Diva virtuale po shndërrohet në një fenomen botëror, ndërsa mediat japoneze kanë raportuar se ajo i ka mahnitur fansat “me paraqitjen e saj të drejtpërdrejtë”. Miku ka mbajtur koncert në Tokio, ndërsa të gjitha biletat kanë qenë të shitura!

“Këngëtarja” është një produkt i përkryer i industrisë digjitale muzikore, ndërsa është vetëm një karakter vizatimor i krijuar nga kompania japoneze “Crypton Future Media”.

Thënë thjeshtë, Hachune është program të cilin mund ta blini dhe ai do t’u këndojë cilëndo këngë nga kompjuteri juaj. Falë softuerit Vocaloid, Miku e ka huazuar zërin e aktores Saki Fujita.

Në koncert është shfrytëzuar modeli i animuar 3D që ka krijuar iluzion sikur Hachune të ketë ekzistuar në skenë dhe të ketë kënduar. /Telegrafi/