Fillon testimi i makinave pa shoferë

Ideja për makinat pa shoferë, e hedhur vite më parë kur mendohej se ndoshta do të ishte një nga teknologjitë dominuese të së ardhmes, siç duket po bëhet realitet. Tani po testohen pajisje teknologjike të nënshtruara krejtësisht ndaj kontrollit kompjuterik.

E njohur për idetë origjinale në këtë fushë kompania “Google” më në fund po realizon projektinn e makinave pa shoferë. Firma e njohur ka filluar të testojë mjetet duke përdorur hartat e “Google Maps”.

Makinat të cilat kanë dalë tashmë në rrugët e Nevada për të kryer testet e nevojshme, minimizojnë ndjeshëm mesataren e aksidenteve automobilistike. Këto makina mund të shkojnë në vendin e kërkuar duke përdorur rrugën më të shkurtër me anë të hartave online. Nëse hyn në një rrugë e cila nuk figuron në hartë makina ia lë kontrollin shoferit.

Sistemi i Google mund të përdoret dhe tek makinat normale, pas një servisi çdo njeri mund ta integrojë shumë lehtë këtë sistem në makinën e tij.


(ar.si/BalkanWeb)