Diskualifikohet se e thërret natyra

Një qen me emrin Libi ka marrë pjesë në garën e ekspozimit të shkathtësive, mirëpo në një çast është ndalur dhe është “çliruar” në mes të podiumit, duke nxitur qeshje në publik dhe juri.
Ai vrapoi rreth një minutë dhe kishte kohë të shkëlqyer, mirëpo më pas vendosi që t’i japë vetes pushim për banjë.

Pronarëve të qenit u mbeti vetëm që të pastronin atë që kishte bërë i dashuri i tyre.

Për shkak të nevojës fiziologjike, qeni është diskualifikuar nga garimi i mëtutjeshëm, ndërsa rreth 6.000 ndjekës të kësaj gare në Birmigham kanë vazhduar ta tregojnë duke qeshur këtë ndodhi. /Telegrafi/