- BeSaaFondatore Forumi
- Gjinia :
Shteti :
Postime : 11852
Hobi : leximi dhe muzika
Vendndodhja : Ne Zemren Shqiptare..
Anetaresuar : 12/11/2011
Kurti:Kosova dhe Serbia nuk janë shtete normale
Sun 18 Mar 2012 - 13:05
Kosova nuk është shtet normal, sepse është shtet i dobët me protektorat ndërkombëtar e pa ushtri të vetën. Por, as Serbia nuk është shtet normal, sepse ajo nuk distancohet dhe as nuk ballafaqohet me të kaluarën e saj kriminale. Lëvizja Vetëvendosje sot mbajti mbledhjen katër të Këshillit të Përgjithshëm. Me këtë rast u tha se kjo lëvizje angazhohet që shteti i Kosovës të funksionojë ashtu siç duhet, dhe populli e shoqëria të jenë të lirë e të zhvilluar me barazi e drejtësi të garantuar.
Lideri i lëvizjes Vetëvendosje, Albin Kurti, duke folur rreth situatës politike dhe ekonomike në vend, ritheksoi edhe njëherë se popullit i duhet zhvillim ekonomik, ndërsa Kosova nuk ka nevojë që t`i ndryshohet emri dhe t`i vihet në dyshim shtetësia. Sipas Kurtit, Kosova, po as Serbia nuk janë shtete normale, ndërsa dialogun në Bruksel ai e quajti proces të normalizimit të raporteve ndërmjet këtyre dy vendeve.
“Kosova nuk është shtet normal, sepse është shtet i dobët me protektorat ndërkombëtar e pa ushtri të vetën, me Mitrovicën e ndarë dhe me varfërinë më të madhe ne Evropë. Por, as Serbia nuk është shtet normal, sepse ajo nuk distancohet dhe as nuk ballafaqohet me të kaluarën e saj kriminale dhe nuk heq dorë nga strukturat ilegale në Kosovë dhe nga planet antishqiptare të saj”, tha Kurti.
Ndërsa, rreth paralajmërimit të Serbisë për mbajtjen e zgjedhjeve në Kosovë, lideri i Vetëvendosjes tha se me këtë gjest, Serbia po ia dikton agjendën e saj të brendshme Kosovës dhe po e i jep guxim Maqedonisë për të ushtruar terror ndaj shqiptarëve atje.
“Për të qenë edhe më keq se kaq, dobësimi i shtetit të Kosovës duket se po e trimëron edhe Qeverinë e Maqedonisë me ekspeditat e saj shoviniste antishqiptare kundër shqiptarëve autokton në Maqedoni”, potencoi Albin Kurti.
Kurti, veç tjerash, kritikoi Qeverinë e Republikës së Kosovës edhe për privatizimin, siç tha ai, të dështuar, ngecjen e zhvillimit ekonomik në vend, rritjen e varfërisë, kompromiset e arritura me Serbinë, që sipas tij, Serbia ende po përfiton në kurriz të Kosovës.
Mbledhja e Këshillit të Përgjithshëm e lëvizjes Vetëvendosje mbahet çdo tre muaj.
Drejtat e ktij Forumit:
Ju nuk mund ti përgjigjeni temave të këtij forumi
|
|