Inis Gjoni hap gjyq për atësinë dhe mbiemrin e vajzës së saj

Ka disa muaj që është bërë nënë, ndërkohë që ka vazhduar të jetë shumë diskrete rreth jetës së saj. Por ama një gjë e ka ndarë me publikun. Disa javë më parë, Inis Gjoni pranoi kamerat në dhomën e vajzës së saj Coco Antonel, teksa e motra, edhe ajo shtatzënë, Ingridi, ishte e ftuar te Rudina Magjistari. Por krahas kënaqësisë që i jep ardhja në jetë e vajzës së saj, Inisit këto ditë i duhet të impenjohet edhe me disa procedura gjyqësore. Me datën 12.3.2012, Inis Gjoni, në cilësinë e paditëses, ka depozituar në Gjykatën e Tiranës çështjen me nr. protokolli 9616, ku padit Gjendjen Civile të Njësisë Bashkiake Nr. 7. Lloji i çështjes është “Padi të tjera (çështje familjare)”. Objekt i këtij procesi është vërtetimi i atësisë së fëmijës Coco Antonel Gjoni dhe detyrimi i Zyrës së Gjendjes Civile Nr.7 Tiranë të bëjë regjistrimin e atësisë së fëmijës, i cili të marrë për emër ati atë të babait të saj biologjik, Armando Andoni (Arben Selimi) dhe për mbiemër, atë Andoni. Gjyqtari i çështjes do të jetë Vjosa Zaimi.