Shikoni makinën që mund të drejtohet nga të verbërit (video)

Motori kërkues më i njohur në botë “Google” ka zhvilluar një koncept të makinës e cila ecën vetë dhe që mund të drejtohet nga të verbërit. Pasi ka marrë patentën e projektit në fjalë që në vitin 2008, “Google” e ka testuar atë tek modelet e “Toyota Prius” dhe “Audi TT” dhe ka pasur sukses. Teknologjia përbëhet nga dy sensorë kryesorë, njëri sensor përcakton vendin ku ndalet makina dhe tjetri mundëson informacionin e duhur rreth vendit ku ndodhet makina dhe ku duhet të shkojë. Automjeti i pajisur me teknologjinë “Google”, lazera, kamera, lidhjen me internetin dhe radarët përcakton pikën ku do të shkojë, duke e regjistruar atë me GPS. Makina e ndjeshme ndaj ambientit përparon duke treguar kujdesin maksimal ndaj kushteve atmosferike, dritave të trafikut dhe makinave të tjera përreth. Shoferi i parë i verbër i makinës që ecën vetë ka qenë drejtori i qendrës së të verbërve “Santa Clara”, Steve Mahan.(er.cu/BalkanWeb

http://www.balkanweb.com/TV/index.php?id_categoria=40&id_ansalive=14338