Nuk është e përgatitur fizikisht shkaku i duhanit

Los Angeles, 1 prill - Në filmin “Prometheus”, nën regji të Ridley Scott, aktorja kryesore Charlize Theron, është dashur të vraponte me veshje kozmike.

Kur i kishte veshur të gjitha pajisjet që vishen nga astronautët dhe filloi të vraponte, fituesja e Oscarit, Charlize Theron, është ankuar se nuk e ka lënë duhanin dhe i vjen keq që nuk kishte kaluar më shumë kohë në palestër.

"Kam kuptuar se gjendja ime fizike është shumë e keqe kur kam filluar të vrapoj, nuk më kanë ndihmuar as përsëritjet e vazhdueshme të Ridleyt “Vrapo, Vrapo”, tha aktorja që së fundi në moshën 36-vjeçare u bë nëna e djaloshit Jackson.

Aktorja tha se adhuruesit e saj nuk duhet të presin ndonjë skenë tërheqëse të saj në film, pasi që xhirimet e vështira morën çdo gjë prej saj.

Ndërsa filmi bën fjalë për një ekip hulumtues i cili zbulon ‘çelësin’ e origjinës së njerëzimit në Tokë, por duhet të shkojë në një udhëtim në univers. Atje, ai duhet të luftojë në një betejë të tmerrshme për të shpëtuar të ardhmen e racës njerëzore.