Tetë Vajza Kineze Stërviten Njësoj Si Truprojet Meshkuj, A Paguhen Njësoj?

Stërvitje e fortë, dhimbje muskulore, shpirt sakrifikimi dhe një vullnet me të vërtet i pabesueshëm. Janë këto përbërësit e nevojshëm që krijojnë një truprojë të mirë.

Ajo çka e bën të veçantë historinë e truprojave është fakti se në këtë rast janë 8 vajza kineze që kanë një synim të qartë që të superojnë provat e forcës që bëjnë vetë meshkujt.



Faktikisht femrat janë duke u stërvitur për këtë qëllim në plazhet e Sanya në jug të Kinës, ku provat fizike duhet thënë se janë me të vërtetë tepër të mundimshme.

Chen Yongqing, trajner, shef dhe themelues i Tianjiao Training Academy, është një ish-ushtarak i forcave speciale kineze dhe e di me saktësi se çfarë duhet për të qenë një agjent i sigurisë superiore.

Gjithnjë e më shpesh ndërmarrja e tij ka vënë në dukje se janë të shumtë klientët që kanë kërkesa specifike për truprojat dhe shumë herë ndodh që i duan të seksit femër.

Ushtrimet fizike duhet thënë se janë të njëjta me ato të kolegëve meshkuj por, truprojat femra nuk kanë të njëjtë pagë, ato marrin pothuajse 50% më shumë se meshkujt.