Michelle Pfeiffer emërohet ‘ikona e filmit’

Ajo është një ndër aktoret që ka lënë gjurmë të jashtëzakonshme me rolet e saj në kinematografinë botërore.Aktorja hollivudiane, Michelle Pfeiffer, tre herë e nominuar për çmimet Oskar në kategorinë e aktores më të mirë, falë protagonizmit të saj në filmat legjendarë si “Batman Returns”, “Scarface“ dhe “Stardust”, por pa mundur ta fitojë këtë çmim, tani është shndërruar në fituesen e një çmimi të madh. Ajo është fituese e çmimit “Ikona e filmit”.
Ky çmim shkon për personalitetet që kanë kontribuuar jo pak në industrinë e filmit, ndërkohë që aktorja veterane do ta marrë trofeun gjatë një ceremonie në ‘CinemaCon’ në Las Vegas,në një ceremoni e cila pritet të mbahet në vazhdimësi të këtij muaji.
Është drejtori i ‘CinemaCon’, Mitch Neuhauser i cili ka deklaruar: “Michelle Pfeiffer është një nga femrat e vërteta lidere në industrinë e filmit. Dhe pikërisht për këtë arsye, këtë vit ky çmim do të shkojë për këtë aktore të jashtëzakonshme.”