Pitt-Jolie, sërish së bashku në një film të ri

Ka qenë një film tepër mbresëlënës ai i “Mr dhe mrs Smith” në të cilin shpërtheu pasioni mes Angelina Jolie dhe Brad Pitt.

Tashmë në një distancë prej 7 vjetësh, ka menduar Ridley Scott për ta rikthyer sërish çiftin në setin e xhirimeve të një filmi.

Sipas faqes së internetit Deadline.com, konfirmohet se aktorët do të rikthehen në një recitim përkrah njëri tjetrit në filmin “The Counselor”.

Jolie është shumë e interesuar për filmin dhe është vetëm një hap larg nënshkrimit të kontratës, ndërsa partneri i saj Brad Pitt është ende në tratativa për rolin.

Ndërsa Michael Fassbender është duke nënshkruar për rolin e protagonistit të kësaj pjese - pasi do të interpretojë rolin e avokatit që merret me çështjet e drogës - në një fazë firmosje marrëveshjeje është dhe Javier Bardem.

r.b/NOA