Britani, nëna lë të vdesë fëmijën e paligjshëm

Një grua myslimane në Britaninë e Madhe është dënuar me 26 javë burg, për vrasjen e foshnjes së saj të sapolindur, e cila kishte ardhur në jetë nga një lidhje jashtë kurore.

Fatima Ali, nga Bury, në Manchester, e kishte lindur vajzën e saj në mënyrë të fshehtë, i kishte prerë kordonin ombelikal dhe e kishte lënë të vdiste në dhomën e saj. Nëna e re kishte frikë se një fëmijë i jashtëligjshëm do të turpëronte familjen e saj të devotshme myslimane.

Fatima Ali u dënua të premten e kaluar nga Gjykata e Bolton Croën me 26 javë burg, pezullim për dy vjet dhe mbajtje nën mbikëqyrje për 12 muaj.

Në trupin e fëmijës nuk u gjetën shenja dhune dhe avokatja mbrojtëse tha se vendimi i Fatimas ishte marrë në një gjendje shoku psikologjik dhe emocional pas lindjes.

E rritur nga një teze, Fatima Ali ishte njohur me babanë e fëmijës, Kazi Mohammed Dilwar Hussein. Familja që e kishte rritur nuk e kishte pranuar lidhjen dhe i dashuri ishte detyruar të paguante për abortin e fëmijës në vitin 2009, gjë që Fatima nuk e kishte bërë.

“Çfarëdo turpi që gruaja pretendonte se mund të përballte nuk e justifikon vdekjen tragjike të një fëmije të porsalindur”, thanë gjykatësit. / G.N.

“Çfarëdo turpi që gruaja pretendonte se mund të përballte nuk e
justifikon vdekjen tragjike të një fëmije të porsalindur”, thanë
gjykatësit.


Ndaj e gjykuan me 26 jave burg!!!

Te cmendur te gjithe...

Vdekje meriton ajo mekatare...