Përjashtohet nga puna sepse punon shumë!

Wed 25 Apr 2012 - 16:50

Nuk bën të punoni shumë sepse mund të përjashtoheni nga puna! Kjo i ndodhi Sharon Smiley në Chicago. Pas 2 vitesh gjykim, ajo fitoi gjyqin!

I ati i kishte thënë se suksesi lind kur punon shumë, por ja që për të ndodhi e kundërta. Sharon Smiley, 48 vjeçare, punoi dhjetë vite si recepsioniste në një firmë në Chicago. Ajo punonte jashtëzakonisht shumë dhe një ditë vendosi që mos e shfrytëzojë pauzën e drekës që t’i mbarojë punët.

Në vend që të falenderohej nga punëdhënësi për këtë veprim, ajo përjashtohet dhe sikur nuk mjaftonte kjo, akuzohet se ka thyer ligjin e Illinois për marrëdhënie pune si dhe akuzohet për sjellje të keqe ndaj puntorëve të tjerë.

Kjo grua ishte aq e revoltuar ndaj firmës saqë e çoi në gjyq kompaninë. “Asnjë avokat nuk dëshironte të merrej me çështjen time”- rrëfen Smiley, pasi që i thonin se nuk do ta fitoj gjyqin.

Dhe më në fund, pas dy vitesh humbje nervash dhe parash, Smiley fitoi gjykimin dhe sot punon në një firmë marketingu.