Dashuri , dhunë dhe puthje pasionante…

Thonë se dhunën dhe dashurinë i ndan vetëm një fije e hollë peri. Një foto unike e shkrepur në Vankuver dhe që po bën xhiron e botës tregon dhunën e tifozëve të zhgëgjyer të atij qyteti pas finales së Stanley Cup për Hockey.

Skudra e tyre kishte humbur me me Bostonin dhe ata pasi dolën nga ndeshja filluan të përleshen me tifozët e tyre kundërshtarë, ndërsa dogjën makina dhe thyen dyqane aq sa policia ndërhyri dhunshëm, duke përdorur gaz lotësjellës.

Por, në mes të kësaj dhune dy persona të shtrirë përtokë, të cilët mund të jenë njohur rastësisht gjatë ndeshjes kanë gjetur kohë që të puthen me njëri-tjetrin. Foto është shkrepur nga fotografi Richard Lam i cili kishte shkuar për të fotografuar përleshjet mes tifozëve.