Fëmija me kurriz breshke i nënshtrohet operacionit (foto)

Jeta e 6-vjeçarit Didier Montalvo nga Kolumbia ishte shumë e vështirë deri më sot. Vogëlushi vuante nga një sëmundje e rrallë, e quajtur Congenital Melanocytic Nevus, si pasojë e së cilës, një masë e madhe mishi i huaj që ngjante si zhguall breshke, i kishte mbuluar gjithë kurrizin.

6-vjeçari quhej “njeriu breshkë”, për shkak të mishit të huaj që mbarte me vete. Tashmë, pas operacionit të kryer nga një kirurg britanik, ai mund të shpresojë për një jetë më të mirë.

Edhe pse nëna e tij Luz, e dinte se ky mish i huaj mund t’i kthehej në një sëmundje vdekjeprurëse, nuk kishte kushtet ekonomike për të kryer operacionin. Familja ishte izoluar në fshatin ku jetonte, pasi bashkëfshatarët e saj supersticiozë besonin Luz mbeti shtatzënë gjatë eklipsit të diellit, ndaj dhe fëmija lindi me këtë defekt, citon albobserver.com.

Madje ata shprehnin frikën se brenda vogëlushit kishin hyrë shpirtrat e këqinj, ndaj dhe atij i ndalohej të shkonte në shkollë. Madje nuk lejohej as të pagëzohej.

“Dua të rritem, thoshte vogëlushi, por kjo masë mishtore më pengon”.

Tashmë që kirurgu Neil Bulstrode mori përsipër të kryente operacionin falas, Didier shpreson që jeta e tij të normalizohet dhe të jetë si e bashkëmoshatarëve të tij. /albobserver.com/