LDD e Prizrenit kerkon uljen e tonit te ezanit te

LDD e Prizrenit kerkon uljen e tonit te ezanit te Xhamive

Këshilltari i LDD-së në Kuvendin Komunal të Prizrenit, Lulzim Kabashi, të premten gjatë seancës së legjislativit lokal ka kërkuar që në kuadër të nismave për parandalimin e ndotjes akustike të parashihen masa edhe për uljen e tonit të ezanit të xhamive.

Sipas tij, kontrolli i decibelëve gjatë thirrjes së ezanit përmes altoparlantëve të vendosura në minare tejkalon standardet e lejuara, prandaj dhe duhet shqyrtuar mundësitë që të vihet rregull edhe në këtë aspekt.

"Me zhurmë askush nuk mund të bëhet besimtar më i devotshëm.

Thirrja e ezanit duhet të jetë e këndshme për veshin e besimtarëve dhe secilit qytetar dhe jo të shkaktojë ndjenjë irrituese", ka thënë Kabashi, gjatë pjesës dedikuar pyetjeve të këshilltarëve.Shkruan Kohaditore.