Kavaje, dy pleq zihen per xhelozi

Kavajë, 7 maj 2012, NOA - Xhelozia është bërë shkak për një grindje mes dy të moshuarve, të cilët bashkëjetonin prej vitesh në shtëpinë e të moshuarve në Kavajë, raporton agjencia e lajmeve NOA.al.

66 vjeçarja Sulltane Muharremi është plagosur me thikë nga i dashuri i saj 69-vjeçar Maliq Tafaruçi, pas një konflikti të ndodhur mes tyre për motive xhelozie.

Dy të moshuarit kishin vendosur të jetonin në shtëpinë e pleqve, por duket se edhe në këtë vend nuk kanë gjetur strehën e qetë të jetës.

Të moshuarit e tjerë të shtëpisë thanë se Sulltania ankohej prej kohësh dhe ndihej e kërcënuar nga i dashuri i saj.

Drejtori i shtëpisë së të moshuarve në qytetin e Kavajës Mehmet Rrapi, tregon se 66-vjeçarja Sulltane Muharremi ishte qëlluar me thikë të dielën nga një tjetër banor i shtëpisë së të moshuarve, me të cilin ajo kishte patur një lidhje të hershme.

Sulltane Muharremi ndodhet në reanimacionin e spitalit rajonal të Durrësit.

Policia e Kavajës ka arrestuar 69 vjeçarin Maliq Tafaruçi, i cili është nën akuzën e vrasjes së mbetur në tentativë.

Ai pritet të dënohet me disa vite burg.

mit/noa.al

Vertetim me te madhe se ky nuk ka...

Dashuria e shqiptarit nuk vdes kurre...