Jennifer Lopez në premierë më joshëse se kurrë

Los Angelos, 15 maj 2012, NOA- Një dekolte bujare i tregon gjoksin, një fustan me ngjyrë rozë të lehtë dhe në total prezenca e saj shpalos hiret si asnjëherë tjetër.

Më seksi se kurrë Jennifer Lopez shfaqet në premierën e Hollywood në filmin "What To Expect When You're Expecting".

Filmi në fjalë siç është shprehur vetë këngëtarja dhe aktorja i ka zbuluar edhe dëshirën e mëmësisë, ndërsa shton se tani po mendon për birësim.

Këngëtarja sharmante thotë se është dashuruar me dy binjakët nga Etiopia të njohur gjatë xhirimeve, ndërsa aktualisht është nënë e dy binjakëve 4 vjeçar, Max dhe Emme, të ardhur në jetë nga martesa me ish-bashkëshortin e saj Marc Anthony.

“Gjatë xhirimeve, teksa mbaja në duar dy vogëlushët u dashurova menjëherë me ta dhe e kuptova se sa e lehtë është të dashurohesh me fëmijët dhe ti adoptosh ata. Rrezikova që ti marr me vete në shtëpi ata fëmijë, aq shumë më hyn në zemër”, u shpreh Lopez.

a.y/noa.al