Mbjellja e flokëve transmetohet live

Një ish-futbollist në Angli, Micheal Gray, u bë protagonist i një transmetimi të çuditshëm të drejtëpërdrejtë, një operacion transplanti flokësh live. Operacioni që zgjati më shumë se gjashtë orë u transmetua drejtëpërsëdrejti në internet dhe nga nje kanal televiziv, ndërsa ai mund të gjendet i postuar në disa faqe.Sipas Gray, kjo nismë do të ndihmojë për të rritur besimin në operacionet e mbjelljes së flokëve, ndërsa vetë futbollisti postoi disa statuse në “Twitter”, gjatë zhvillimit të ndërhyrjes.37-vjeçari, që në karrierën e tij ka luajtur me Sandërlendin, Blekbërnin dhe Shefildin, nisi të humbiste flokët dhjetë vjet më parë.Përpara se të realizonte ndërhyrjen që do t’i rikthejë flokët e gjata të shumëadhuruara gjatë jetës së tij, Gray pranoi se kishte qenë operacioni i suksesshëm i Ëayne Rooney ai që e bindi të realizonte ndërhyrjen.”Ndërhyrjet kozmetike tashmë janë të zakonshme, por shumë njerëz vazhdojnë të kenë frikë prej tyre dhe nisma ime synon pikërisht që të largojë këtë frikë dhe të tregojë se këto ndërhyrje që mund të përmirësojnë jetën për shumë njerëz, janë tepër të thjeshta për t’u realizuar”, tha Gray.