Pas fustanit me mish, tani krijon edhe kapele prej kacabuve

New York, 18 qershor - Këngëtarja e famshme Lady GaGa ka vendosur që të hyjë në ujërat e dizajnit, me ç’rast do të bëjë kapela prej kacabuve, raporton gazeta britanike “The Sun” '.

Këngëtarja thuhet se ka urdhëruar ekipin e saj që të bëjë kapele përplot me kacabu, ndërsa ajo i ka rritur këto insekte, pasi që një studim i bërë ka zbuluar se ato reagojnë më së miri ndaj muzikës së saj.

''Lady GaGa ka pasur një fustan të bërë prej mishit, ndërsa kjo do të ishte diçka ngjashëm. Ajo pas këtij hulumtimi kacabutë i quan monstrumet e saj të vogla të gjalla”, tha një burim i paidentifikuar pranë këngëtares. Kapelet prej kacabuve, shtoi ai, do të jenë kreacionet më të lira në koleksionin e GaGas.

Lady GaGa në prezantimin e saj në ceremoninë e “MTV Video Music Awards 2010', kishte veshur një fustan që ishte i përbërë prej mishit të gjallë, gjë që kishte shkaktuar reagime të ashpra të organizatave për mbrojtjen e drejtave të kafshëve.