CERN zbulon dhe vërteton ekzistencën e grimcës së “Zotit”

Ekzistenca e Boson Higgs, ose thënë ndryshe grimca e “Zotit”, vërtetohet zyrtarisht dhe nga komuniteti kombëtar shkencor.

Me zbulimin e grimcës në fjalë, rriten shanset për të konceptuar më shumë fuqitë të cilat ndikojnë në evoluimin e universit, që nga momenti i krijimit të tij deri në ditët e sotme.

Komuniteti ndërkombëtar shkencor i fizikanëve, pranoi me shumë entuziazëm rezultatet e studimeve laboratorike për zbulimin e grimcës së Zotit. U desh të bashkëpunonin dy ekipe shkencëtarësh specialistë, të cilët shfrytëzuan të dhënat e shumta nga detektorët e ATLAS dhe CMS të “Përshpejtuesit të madh Andronion”, në CERN.

Detaje më të hollësishme pritet të bëhen publike javën e ardhshme. Grimca e Zotit, citon alb-observer.com, përbën objektin më të “diskutuar” dhe më të studiuar në nivel global ndër komunitetin e shkencëtarëve dhe të fizikanëve.

Sipas “Daily Mail”, eksperimentet e CERN, kishin arritur në përfundimin se grimca gjendej në shkallën ndërmjet 115 dhe 127 GeV. Gjiga-elektroni volt, përbën njësinë e zakonshme matëse për masën e thërrmijave nënatomike, ndërsa një GeV është thuajse e barabartë me masën e një protoni./alb-observer.com/

Shkencëtarët arrijnë të zbulojnë “Partikulën e Zotit”



Një grimcë subpartikulare e cila besohet të jetë çelës i formacioneve të yjeve, planetëve dhe jetës është zbuluar nga shkencëtarët në Organizatën Evropiane për Hulumtime Bërthamore (CERN). Sipas kërkimeve kjo grimcë mund të jetë partikula e Higgs-it e cila njihet ndryshe edhe si “Partikula e Zotit”, për shkak të rëndësisë që ka. Ajo është emëruar sipas Peter Higgsit, hulumtuesit britanik, i cili më 1964 vendosi bazat për studimet e kësaj çështje. Nëse vertëtohet saktësia e gjetjes, ajo do të mund t`i japë të drejtë teorisë për krijimin e kosmosit bazuar në Modelin Standard./alb-observer.com/