Milot, gjendet trupi i pajetë i një gruaje

MILOT - Pak pas mesdite është gjetur ne bregun e lumit Mat, trupi i pajetë i një femre. Kanë qenë banorët e zonës të cilët kanë parë në bregun e lumit në anë të rrugës nacionale Lezhë-Rrubik, trupin e pajetë dhe menjëherë ata kanë lajmëruar policinë.

Sipas burimeve paraprake policore bëhet e ditur se trupi i pajetë është gjetur në segmentin e lumit midis dy urave Ura mbi lumin Mat në rrugën Nacionale Lezhë-Milot, dhe Ura e Zogut, konkretisht në afërsi të fshatit Bërzanë. Kufoma është e seksit femër dhe rreth moshës 40 vjeçe.

Policia ka mbërritur në vendin e ngjarjes dhe po kryen ekspertizën. Nuk dihet ende në se ka shenja dhune në trupin e pajetë të gruas. Policia ka nisur hetimet për zbardhjen e ngjarjes, identifikimin e kufomës si edhe për shkaqet e vdekjes.