5 milion fëmijë provëze në të gjithë botën

Thu 5 Jul 2012 - 19:22

Në të gjithtë botën përllogariten 5 milion bebe, të cilat kanë ardhur në këtë jetë nëpërmjet mënyrës in-vitro. Kjo e dhënë historike regjistrohet në 34-vjetorin e lindjes së foshnjes së parë të lindur në provëz, britanikes Louise Brown.

Lajmi bëhet i ditur me entuziazëm nga ekspertët e mjekësisë dhe shkencës, të cilët u mblodhën në Stamboll, në Kongresin Vjetor të Evropiane të Riprodhimi Njeriut dhe të Embriologjisë (ESHRE).

Të dhënat janë bërë të ditura falë Komisionit Ndërkombëtar të Kontrollit mbi Teknologjinë Riprodhuese bazuar në numrin e cikleve të trajtimit, të regjistruara në Botë deri në vitin 2008, të cilave i janë shtuar edhe të dhënat e regjistruara në vitet e e fundit.

Në analizë u mor parasysh si teknika e fertilizimit in-vitro (IVF) dhe e injeksionit intracytoplasmic (ICSI) Nga të dhënat rezulton se rezultati i lindjeve IVF nga 1978 deri në vitin e kaluar kanë qenë 4.600.000, ndërkohë që falë lindjeve në vitin e fundit shifra ka shkuar në 5 milion. Sipas mjekëve kërkesa e nënave për lindje in-vitro po vjen gjithmonë e në rritje në Europë.
(e.m/BalkanWeb)