Video: Asi i Barcelonës bëhet dhëndërr

Mon 9 Jul 2012 - 21:01

Me të zgjedhurën e zemrës së tij, Anna Ortiz u martua mesfushori i Barcelonës, Andres Iniesta. Ceremonia u zhvillua në kështjellën Tamarit, ku mes 1.000 të ftuarve, binte në sy elita e futbollit. E mes tyre sigurisht, futbollistët që kanë shkruar historinë e tyre tek Barça, si Xavi, Pedro, etj. por edhe të fejuarat e tyre. Bujë të madhe bëri edhe prezenca e ish-presidentit të skuadrës, Zoan Laporta. Pique shkoi në ceremoni pa Shakirën, e cila është e zënë me punë në Portugali.

Në orën 19:00 fiks u shfaq Iniesta, nën tingujt e kolonës zanore të “Gladiatorit”, së bashku me nënën e tij. Më pas erdhi nusja, duke ecur nën tingujt e Whitney Houston. Brenda 20 minutash gjithçka përfundoi dhe të ftuarit morën pjesë në party-n e organizuar. Iniesta dhe Anna kanë së bashku një vajzë.

Jashtë mureve të kështjellës ishte mbledhur një turmë e madhe njerëzish, të cilët donin të shihnin nga afër yjet e futbollit spanjoll.

Më poshtë mund të ndiqni disa fragmente nga ceremonia e martesës, të përmbledhura në një video. /alb-observer.com/