Durrës, gjendet një celular-bombë pranë një karburanti

DURRES-
Një telefon celular i mbështjellë me natriban është gjendur mesditën e
sotme pranë një karburanti në Shkozet të Durrësit. Menjëherë pas
sinjalizimit është alarmuar policia, nga të dhënat e para të së cilës
dyshohet se bëhet fjalë për një celular-bombë.

Blutë e qytetit bregdetar deklarojnë se celulari tip Nokia ishte i mbështjellë me eksploziv, por fatmirësisht i paaktivizuar.
Sipas grupit hetimor, dyshohet që celulari-bombë mund të ketë rënë aksidentalisht nga ndonjë automjet, i cili mund të jetë furnizuar me karburant.

Edhe pse ende nuk dihet cili ka qënë objektivi për tu vendosur kjo bombë, specialistët nënvizojnë se, ky celular bombë ishte i lidhur me një fije, i paaktivizuar dhe mund të shpërthente nëse aktivizohej nga një celular tjetër.
(ma.ar/BalkanWeb)