Kokë arapi (jufkat)

Përbërësit: 1 vezë, 1 filxhan kafeje miell, 1 filxhan kafeje qumësht pluhur, 1 lugë kafeje sodë buke

Për sherbetin: 1 gotë uji sheqer, 1 gotë uji me ujë



Në familjen time i quajnë kokë arapi, për ngjyrën e errët karakteristike. Është ëmbëlsirë e vjetër dhe me sherbet, ashtu siç i pëlqen traditave tona.

Me përbërës shumë të thjeshtë e të pakët, por me rezultate të pakrahasueshme, siç dinin të bënin vetëm nënat dhe gjyshet tona, gjurmët e të cilave mundohemi të ndjekim ne kudo që jemi.

Përgatitja: Në një tas përziejmë vezën, miellin, qumështin pluhur e sodën. Krijojmë një brumë homogjen, që është goxha ngjitës. Krijojmë toptha si arra të mëdha e i vëmë të piqen në 180°.

Përgatisim sherbetin me ujin e sheqerin. Pasi piqen biskotat dhe kur janë akoma të nxehta, u hedhim sherbetin e ftohtë. Nga biskota shndërrohen në kokë arapi apo jufka. Shërbehen të ftohta dhe është me rëndësi të përdoret soda e jo pluhuri fryrës. Sipas dëshirës, dozat mund t’i dyfishojmë, etj.

Ju bëftë mirë!