Ditëlindja e kërcimtarit me famë botërore, Driton Dovolani

Driton “Toni” Dovolani është kërcimtar profesionist (ballroom) shqiptar nga Kosova.

Lindi më 17 korrik 1973, në Prishtinë, Kosovë. E ka filluar kërcimin që në moshën 3 vjeç, natyrisht duke filluar me kërcimin tradicional popullor shqiptar. Kur ishte në moshën 15 vjeç, ai dhe familja e tij shkuan në Amerikë, ku pati mundësi të merrte pjesë në një klasë të Akademisë Fred Astaire Dance. Që prej asaj kohe ka udhëtuar nëpër botë e ka fituar shumë kampionate kërcimi. U bë akoma më i njohur në Amerikë e kudo, kur mori pjesë në shfaqjen “Të kërcesh me yjet”, në ABC.

E kemi parë gjithashtu edhe në filmin “Kërcejmë?”, përkrah Xhenifer Lopez.

Kohën e lirë, kur nuk kërcen natyrisht, e kalon në familje me gruan e tij, Lina dhe fëmijët. Ka tre fëmijë, Luanën dhe binjakët Adrian dhe Ariana.

/alb-observer.com/