Maradona: “Dua 17 milion euro dëmshpërblim nga ekipi i Al-Uasl”

17 milion euro dëmshpërblim kërkon Diego Armando Maradona për ndërprerjen e parakohshme të kontratës së firmosur me ekipin e Al-Uasl në Emiratet e Bashkuara Arabe. Por Al-Uasl ka bërë të ditur se nuk do ta paguajë shifrën që kërkon argjentinasi por do i jap atij vetëm pagesën e 3 milionë eurove, shumë e barabartë me dy muaj rrogë për Maradonën.
Por për të evituar një gjyq që do të sillte një dëm të imazhit, ata kanë vendosur të kanë vendosur të negociojnë me njëri -tjetrin.Maradona ka bërë të qartë se nuk dëshiron të largohet nga Dubai, duke synuar ndonjë post tjetër brenda klubit. Drejtuesit e Al-Uasl, po mendojnë që për të mos dalë të humbur plotësisht nga kjo çështje, mund ta caktojnë atë si ambasador ndërkombëtar. Për sezonin e ardhshëm si Maradona ashtu edhe Al-Uasl e shohin të pamundur kthimin e argjentinasit në pankinën e kësaj skuadre./alb-observer.com/