Jon Bon Jovi viziton bregdetin shqiptar

Fundjavën e kaluar një vizitor tepër i veçantë ka bërritur në bregdetin shqiptar.

Sipas gazetave bëhet fjalë për këngëtarin e famshëm Jon Bon Jovi, i cili ka vizituar me jahtin e tij bregdetin e jugut, nga Vlora në Sarandë. Jahti ka lundruar përgjatë bregut shqiptar duke ndaluar në disa nga plazhet më të bukura dhe gjiret e shumta të jugut të vendit.

Pasi kanë mbërritur në Sarandë, jahti ka qëndruar diku në Ksamil dhe në orët e pasdites ka vizituar Butrintin. Pas Shqipërisë jahti luksoz i është drejtuar bregdetit të Korfuzit. Autoritetet shqiptare nuk kanë dhënë asnjë informacion mbi këtë vizitë të Jon Bon Jovi, por mediat kanë zbuluar gjithçka./alb-observer.com/