Miliarderi që jetonte në shtëpi me gruan e tij të vdekur!

Hans Kristian Rausing, trashëgimtari i gjigandit “Tetra Pak”, kompani ambalazhuese e njohur në gjithë botën, duhet të përballet me drejtësinë.

Miliarderit i është ngritur padi, pasi u përpoq që të pengonte varrimin sipas rregullave të trupit pa jetë të bashkëshortes së tij, Eva Rausing, njofton policia Metropolitan e Londrës.

Sipas agjencisë Reuters, akuzat që bien mbi miliarderin, kanë lidhje me datën 9 korrik, kur bashkëshortja e tij u gjend e vdekur në shtëpinë e tyre në qendër të Londrës. Ajo u gjend nga policia, pasi Rausing ishte arrestuar sepse i jepte makinës i dehur dhe i droguar.

Por sipas policisë, Rausing, një nga njerëzit më të pasur në botë, kishte mjaft ditë që jetonte në shtëpi me gruan e tij të vdekur.

Ai do të paraqitet në gjykatën e Londrës ditën e mërkurë. /alb-observer.com/